Vend i lirë pune në Bibliotekën Kombëtare
Biblioteka Kombëtare shpall konkurs për vend të lirë pune në pozicionin “Jurist” (pozicion i përkohshëm me afat deri në 6 muaj, zëvendësim për leje shtatëzënie).
Kërkesa minimale për kandidatët:
- Të jetë i diplomuar në “Shkencat Juridike”, niveli minimal i diplomës “Master Shkencor”. Nota mesatare e studimeve (Bachelor+Master Shkencor) të jetë 8 (tetë) e lart;
- Të ketë eksperiencë pune jo më pak se 3 (tre) vjet, nga të cilat 2 (dy) vjet në fushën e prokurimeve publike;
- Të njohë programet bazë të kompiuterit;
- Të njohë në nivelin shumë mirë një gjuhë të huaj, preferohet gjuha angleze;
- Të mos ketë masë disiplinore në fuqi.
DOKUMENTACIONI, MËNYRA DHE AFATI I DORËZIMIT:
Kandidatët duhet të dorëzojnë pranë institucionit (sekretari), dokumentat si më poshtë:
- Kërkesë nga aplikanti për pozicionin e punës;
- Curriculum Vitae;
- Fotokopje të legalizuar të diplomës (përfshirë dhe diplomën bachelor);
- Fotokopje të librezës së punës (të gjitha faqet që vërtetojnë eksperiencën në punë);
- Fotokopje të letërnjoftimit (ID);
- Vërtetim të gjendjes shëndetësore;
- Vetëdeklarim të gjendjes gjyqësore;
- Vetëdeklarim që nuk jemi në kushtet e konfliktit të interesit, të nepotizmit;
- Vetëdeklarim që nuk është larguar nga puna për shkelje disiplinore (nëse ka eksperienca pune);
- Vlerësimin e fundit nga eprori direkt (nëse kanë eksperienca pune);
- Vërtetim nga punëdhënësi i fundit që nuk ka masë displinore në fuqi;
- Çdo dokumentacion tjetër që vërteton trajnimet, kualifikimet, arsimim shtesë, vlerësimet pozitive apo të tjera të përmendura në jetëshkrimin tuaj.
Përshkrimi i pozicionit të punës, detyrat kryesore:
– Përditëson legjislacionin ligjor dhe nënligjor sipas ndryshimeve që ndodhin në Fletoren Zyrtare;
– Përgatit përmbledhëset e legjislacionit të nevojshëm për zbatim në veprimtarinë e institucionit;
– Përfaqëson institucionin me autorizim në çështje gjyqësore me të tretët;
– Përgatit të gjithë aktet shkresore të nevojshme për ecurinë e gjykimit ku është caktuar si përfaqësues me autorizim;
– Harton dhe koncepton dokumentacionin, korrespondencën e institucionit me institucione të tjera;
– Merr pjesë në hartimin e procedurave dhe standardeve ligjore kur legjislacioni i fushës e kërkon një gjë të tillë;
– Merr pjesë në komisione dhe harton dokumentat e nevojshme për procedurat e prokurimit publik;
– Është personi i autorizuar për kryerjen e veprimeve në sistemin Elektronik të Agjencisë së Prokurimit Publik për
procedurat e prokurimit që institucioni kryen (në mënyrë elektronike) në cilësinë e Autoritetit Kontraktor.
– Etj.
Paga e pozicionit të punës:
Kategoria: IV-a.
Dorëzimi i dokumentacionit:
Dokumentat duhet të dorëzohen me postë ose drejtpërsëdrejti në sekretarinë e Bibliotekës Kombëtare, brenda datës 22.02.2016.