Praktikë në Ministrinë e Jashtme

Posted on by admin

Related Post

Ministria e Punëve të Jashtme kërkon të rekrutojë praktikantë për periudhën 1 shkurt-31 maj 2016.

Aktivitetet e parashikuara

Praktikantët pranë MPJ do të ndihmojnë me punë kërkimore dhe mbështetëse në një nga Drejtoritë e mëposhtme:

  • Drejtoria e Rajonit dhe Vendeve Fqinje
  • Drejtoria e Amerikës, Paqësorit, Azisë dhe Afrikës;
  • Drejtoria e Politikave të Sigurisë;
  • Drejtoria e BE-së;
  • Drejtoria e Evropës dhe Azisë Qendrore;
  • Drejtoria e Traktateve dhe së Drejtës Ndërkombëtare;
  • Drejtoria e Çështjeve Konsullore dhe Diasporës;
  • Drejtoria e Diplomacisë Publike, Partneriteteve dhe Diasporës;
  • Drejtoria e Ceshtjeve Juridike;
  • Drejtoria e Arkivit dhe Dokumentacionit;
  • Akademia Diplomatike
  • Drejtoria e Protokollit të Shtetit;
  • Drejtoria e Burimeve Njerëzore;
  • Sekretaria Qendrore;
  • Qendra e Ekselencës.

Praktika pranë MPJ-së është pa pagesë. MPJ ofron të ndihmojë praktikantët me dokumentet e nevojshme që vërtetojnë periudhën e praktikës, detyrat e ngarkuara, si dhe një vlerësim në fund të praktikës. Nëse periudha e praktikës njihet nga institucioni arsimor ku studioni apo jo, varet tërësisht nga ky institucion, por MPJ qëndron e gatshme t’ju ndihmojë për njohjen e kohës dhe punës suaj në shkëmbim të krediteve.

Përgjegjësitë:

  • Mbështetje të Drejtorive me punë kërkimore, sipas nevojës.
  • Ndjekje e zhvillimeve dhe përditësimeve të rëndësisshme nga agjencitë kryesore, organizata, industri, dhe burime të tjera, sipas fushës.
  • Përgatitje, redaktim dhe botim i Buletinit Informativ dhe Newsletter-it.
  • Redaktim dhe botim i Përditësimeve dhe Njoftimeve për Shtyp.
  • Menaxhim i marrëdhënieve të MPJ-së me mediat sociale.
  • Monitorim dhe ndihmë në menaxhimin e llogarisë Twitter @MinJashtme.
  • Mbështetje administrative, sipas nevojës.

 

Kualifikimet e nevojshme:

  • Interes në marrëdhënie ndërkombëtare, shkenca politike, të drejtë ndërkombëtare, biznes dhe marketing, shkenca komunikimi dhe IT etj.
  • Interes dhe/ose përvojë komunikimi në mediat sociale.
  • Njohje shumë e mirë e gjuhës shqipe dhe angleze; vlerësohen dhe njohuri të gjuhëve të huaja të tjera.
  • Aftësi të mira analitike, të komunikimit verbal dhe të shkruarit.
  • Aftësi për të punuar në mënyrë të pavarur dhe për t’iu përgjigjur shpejt udhëzimeve.
  • Aftësi për të kryer punë kërkimore, si në mbledhjen e materialit, ashtu dhe në shkrimin e raporteve.
  • Vlerësohet përvoja me menaxhimin e faqeve të Internetit.
  • I disponueshëm për të punuar të paktën 38 orë në javë për një periudhë 6 javore, ose 10 orë në javë për një periudhë 5 mujore, sipas nevojës së Drejtorisë përkatëse.
  • Preferencë për studentë që kanë mbaruar dy vitet e para të studimeve universitare, ose që kanë përfunduar studimet universitare jo më larg se viti 2012.

Si të aplikoni:

Për të aplikuar, shkarkoni  formularin e aplikimit dhe dërgojeni të plotësuar tek interns@mfa.gov.al brenda datës 25 janar 2016.

Leave a Comment